తెలంగాణలో 9 స్థానాలు ఖరారు

195 మంది బిజెపి తొలి జాబితాలో తెలంగాణలోని 9 స్థానాలకు అభ్యర్థులు ఖరారయ్యారు. సిటింగ్ ఎంపీలైన జి. కిషన్‌రెడ్డి, బండి సంజయ్‌ కుమార్, ధర్మపురి అర్వింద్‌ లకు తొలి జాబితాలోనే టికెట్ దక్కింది. సికింద్రాబాద్ నుంచి కిషన్ రెడ్డి, కరీంనగర్ నుంచి బండి సంజయ్ కుమార్, నిజామాబాద్ నుంచి ధర్మపురి అర్వింద్ బరిలో నిల్చనున్నారు. మల్కాజ్ గిరి నుంచి ఈటల రాజేందర్‌, చేవెళ్ల నుంచి కొండా విశ్వేశ్వర్‌ రెడ్డి, భువనగిరి నుంచి బూర నర్సయ్య గౌడ్‌, హైదరాబాద్ నుంచి మాధవీలతను పార్టీ బరిలో దింపింది. ఇటీవల బిజెపిలో చేరిన బీఆర్ఎస్ సిటింగ్ ఎంపీ బీబీ పాటిల్ జహీరాబాద్ నుంచి పోటీ చేయనున్నారు. ఎస్సీ రిజర్వుడ్ నియోజకవర్గం నాగర్ కర్నూల్ లో ప్రస్తుత ఎంపీ పి. రాములు తనయుడు భరత్ ప్రసాద్ బరిలో నిల్చున్నారు. మరో ఎనిమిది స్థానాలు… ఆదిలాబాద్, మహబూబ్ నగర్, మెదక్, నల్గొండ, వరంగల్, మహబూబాబాద్, ఖమ్మం, పెద్దపల్లి నియోజకవర్గాలకు అభ్యర్థులను ప్రకటించాల్సి ఉంది.